മൗനമന്ദഹാസം

സ്വപ്നങ്ങള്‍ കാണാന്‍ പറഞ്ഞവരുടെ
മണിമേടകള്‍  പിന്നിട്ട്,
മോഹങ്ങള്‍ മരിച്ചടക്കിയ
ശവപ്പറമ്പുകള്‍  പിന്നിട്ട്,
അധിക്ഷേപത്തിന്‍റേയും,
നിരാസത്തിന്‍റേയും
കഠിന തീരങ്ങള്‍ പിന്നിട്ട്,
ഒരിക്കലും തീരാത്ത ദുര്‍ഘട പാതകളില്‍,
ഉച്ചപ്പൊരിവെയിലില്‍,
കരുണവൃക്ഷത്തണല്‍
തേടിയലഞ്ഞപ്പോഴാണ്, ഗൗതമന്
യഥാതത്ഥൃത്തിന്‍റെ ബോധോദയമുണ്ടായത്!
ആരവങ്ങള്‍ക്കിടയില്‍ നിന്നും
അതിജീവനത്തിന്‍റെ പൊരുള്‍ തേടിയവര്‍ക്ക്
മറുപടി ഒരു മൗനമന്ദഹാസം മാത്രം!

കഥ

കഥ കേട്ടു വന്നവരും
കഥ കേട്ടു പോയവരും
കഥയില്ലാതായവരും
ഒരു കഥ മാത്രമായ്.....!

ആ കഥയ്ക്കീക്കഥ വന്നല്ലൊ
ഈ കഥയ്ക്കാക്കഥ പാഴല്ലോ
പാഴ്ക്കഥ പാറ്റി
പുതുക്കഥ തോറ്റി
കതിരും പതിരും തെരഞ്ഞല്ലോ
കതിരേത്? പതിരേത്?

ഇടവേള

നീയെന്തു ചെയ്യുന്നു സോദരാ......?
"ഞാനെന്‍റെ ദുര്‍വിധി
കൊറിച്ചുകൊണ്ടിരിക്കുന്നു."
ചാവേര്‍പ്പടകളൊഴിഞ്ഞുവല്ലോ
ചാവിന്‍റെ പുരം കഴിഞ്ഞുവല്ലോ
തീവെട്ടി,ബോംബുക,ളട്ടഹാസങ്ങളും
കാക്കിയും ബൂട്സുമൊഴിഞ്ഞുവല്ലോ
ഇതൊരിടവേള,യിടവേള മാത്രം
നാളെ പകലുകള്‍ വീണ്ടും ചുവക്കാം
അതിനുമുമ്പൊരുമാത്ര,മാത്രമാണെങ്കിലും
മധുര സ്വപ്നങ്ങളെ തഴുകാം

സ്വര്‍ഗ്ഗ വാതില്‍

പാതി വെന്ത വേദാന്തം
പാകത്തിനെടുത്ത്
സ്തോത്രസങ്കീര്‍ത്തനങ്ങള്‍
നാലെണ്ണം ചേര്‍ത്ത്
ഓങ്കാരത്തില്‍ ലയിപ്പിച്ച്
നോമ്പുവൃതത്തിനു മുമ്പും പിമ്പും
നേരാംവണ്ണമകത്താക്കില്‍
സ്വര്‍ഗ്ഗം നമ്മുടെ  പടിവാതില്‍ക്കല്‍!

ബൗദ്ധം

ശൂനൃതയുടെ
നിതൃമായ ഉദാസീനതയില്‍
ഉണ്‍മയുടെ തുടക്കം!
ആത്മബോധത്തിന്‍റെ
തേജഃപ്രസരം!
കരുണക്കടല്‍ ബോധിസ്വത്വം.
മധുരം, മനോഞ്ജം മൃദുമന്ദഹാസം!
പ്രശാന്ത ഗംഭീരം
ഗിരിശ്രിംഗ കാന്തി!
സുതാരൃ വജ്ജ്രകഠിനം
മഹായാനമാര്‍ഗ്ഗം!

മൊഴിമുള്ളുകള്‍

ആട്ടിന്‍തോല്‍
 
ആട്ടിതോലണിഞ്ഞു മടുത്ത
ചെന്നായക്ക് ആകെ ആശയക്കുഴപ്പം
ആട്ടിന്‍ തോലിനു പകരം
ഖാദി വേണോ, കാവി വേണോ
കാല്‍ശരായിയും കോട്ടും വേണോ!

എക്സൂസ് മീ
കൊത്തരുതു പാമ്പേ നീ
'എക്സൂസ് മീ'  പറഞ്ഞിട്ടു;
കൊത്തിയാല്‍ 'സോറി'
പറഞ്ഞിടൊല്ലെ.....!

ശിക്ഷ
സര്‍പ്പക്കാവില്‍ നാഗത്താന്
നൂറും പാലും!
വീട്ടില്‍ക്കയറിയ    നാഗത്താന്
മരണശിക്ഷ  !!
നന്ദികേശ്വരന് നീരാഞ്നം!
അത്താഴത്തിനു ബീഫ്ചില്ലി!!

Instant Life

Instant pudding!
Instant cutlet!
Instant love!
Instant sex!
Instant devotion!
Instant salvation!
Instant cremation!
Instant life lived in easy-
installments!