മൊഴിമുള്ളുകള്‍

ആട്ടിന്‍തോല്‍
 
ആട്ടിതോലണിഞ്ഞു മടുത്ത
ചെന്നായക്ക് ആകെ ആശയക്കുഴപ്പം
ആട്ടിന്‍ തോലിനു പകരം
ഖാദി വേണോ, കാവി വേണോ
കാല്‍ശരായിയും കോട്ടും വേണോ!

എക്സൂസ് മീ
കൊത്തരുതു പാമ്പേ നീ
'എക്സൂസ് മീ'  പറഞ്ഞിട്ടു;
കൊത്തിയാല്‍ 'സോറി'
പറഞ്ഞിടൊല്ലെ.....!

ശിക്ഷ
സര്‍പ്പക്കാവില്‍ നാഗത്താന്
നൂറും പാലും!
വീട്ടില്‍ക്കയറിയ    നാഗത്താന്
മരണശിക്ഷ  !!
നന്ദികേശ്വരന് നീരാഞ്നം!
അത്താഴത്തിനു ബീഫ്ചില്ലി!!

Instant Life

Instant pudding!
Instant cutlet!
Instant love!
Instant sex!
Instant devotion!
Instant salvation!
Instant cremation!
Instant life lived in easy-
installments!

അയ്യപ്പന്‍റമ്മ

അയ്യപ്പന്‍റമ്മ നെയ്യപ്പം ചുട്ടു.
കാക്ക കൊത്തി കടലിലിട്ടില്ല.
മുക്കോപ്പിള്ളേരു മുങ്ങിക്കിടന്നതും
തട്ടാപ്പിള്ളേരു തഞ്ചത്തില്‍ നിന്നതും
വെറും വെറുതെ!
കാകനും കൂമനും
കുറുക്കനും കുന്നായ്മകളും
കൗടില്ലൃ ന്യായങ്ങളും
നിര്‍വ്വാണ ഗീര്‍വ്വാണങ്ങളും
നിറയുന്ന നാടിതില്‍
അയ്യപ്പന്‍റമ്മമാര്‍ കരുതിയിരിക്കുക!

ജാതകം

പത്തായം പെറും
ചക്കി കുത്തും
അമ്മ വയ്ക്കും
ഉണ്ണി ഉണ്ടിട്ടു ക്രിക്കറ്റ് കളിക്കും!
 
പത്തായത്തില്‍ നെല്ലില്ല
ചക്കിക്ക് പണിയില്ല
അമ്മയ്ക്കു സുഖമില്ല
ഉണ്ണിക്ക് ഉണ്ണാനില്ല.

പത്തായം വിറ്റു തുലച്ചു
ചക്കിയും പിരിഞ്ഞു പോയി
ഉണ്ണിക്കൊരു ഗതിയില്ലാതായ്
ഉണ്ണിയുരുണ്ടുതെരുവിലിറങ്ങി.

ഭാവാധിപതിയായ കുജന്‍
അഷ്ടമത്തിലിരുന്ന്
ഭാവത്തെ വീക്ഷിക്കുകയാല്‍
ശേഷമെല്ലാം ശുഭമെന്ന്
ഉണ്ണിയുടെ ജാതകം!

ശെയ്ത്താന്‍

അകത്തിരിക്കണ ശെയ്ത്താനെ അറിയാഞ്ഞിട്ടല്ല
ആട്ടിയോടിക്കാനറിയാഞ്ഞിട്ടല്ല
ഇരിക്കട്ടെ ഒരു ബലത്തിന്
നാളെ മറ്റൊരു ശെയ്ത്താന്‍ എതിരെ വരുമ്പോള്‍
ആരുണ്ട് കൂട്ടിന്!

മ്യാവു..മ്യാവൂ

ഇന്നലെ
വസന്തത്തിന്‍റെ ഇടിമുഴക്കം കേട്ട്
മാവോ മാവോയെന്ന് ഗര്‍ജ്ജിച്ചവര്‍
ഇന്ന്
കണ്ണടച്ച്, പാലുകുടിച്ച്,
മ്യാവു മ്യാവു  എന്നു കരഞ്ഞ്,
അടുപ്പിനു മുകളില്‍
അര്‍ദ്ധമയക്കം!

മുന്‍വാതിലിലുടെ
മുടിപ്പിച്ചു പോയവര്‍
പിന്‍ വാതിലിലതാ
പതുങ്ങി നില്‍ക്കുന്നു!

വിശ്രമം

ശ്രമിച്ചു ശീലമില്ലാത്തതിനാല്‍
വിശ്രമത്തിലായിരിന്നൊട്ടു കാലം
വിശ്രമമേറെ മടുത്തപ്പോള്‍
ആശ്രമത്തിലാക്കി താമസം!
അന്തൃ വിശ്രമനാള്‍ വരെ
അല്ലലില്ലാത്ത ജീവിതം
അര്‍ത്ഥ കാമ മോക്ഷങ്ങള്‍
അലട്ടീടാത്ത ജീവിതം!
അനൃനദ്ധ്വാനിച്ചു നല്‍കീടില്‍
വിശ്രമം തന്നെ പരമസുഖം!

ഇരുളേ വിഴുങ്ങ്

അവസാനത്തെ ആശ്രയത്തില്‍ നിന്ന്
കേള്‍ക്കാന്‍ കൊതിച്ചതിതാണ്.
"നീ തനിച്ചല്ല, നിന്നോടുകൂടെ ഞാനുണ്ട്"
എന്നാല്‍ കേട്ടതിതാണ്
"നിന്നെ എനിക്കറിയില്ല, നീയെന്‍റെ ആരുമല്ല"
നിരാസത്തിന്‍റെ    അവസാനബിന്ദുവില്‍ നിന്ന്
അന്തൃപ്രയാണത്തിനൊരുങ്ങുമ്പോള്‍
അരുതേയെന്നാരെങ്കിലും
പിന്‍വിളിക്കുമെന്നു കരുതി.
പക്ഷെ കേട്ടതിതാണ്
"ഒന്നു പോയികിട്ടിയിരുന്നെങ്കില്‍"
കരുണവൃക്ഷത്തണല്‍ തേടി
കാതങ്ങളലയുമ്പോള്‍
വന്നില്ലൊരു ദൈവവും
അനുഗ്രഹ വചസ്സുമായ്
പകരം ആകാശത്തില്‍ നിന്നടര്‍ന്നു വീണത്
സൂരൃ ശാപം മാത്രം!
ഇനി ഇരുട്ടെത്തിയെങ്കില്‍
ഇരുട്ടിനോടെങ്കിലും
ഇരുളേ വിഴുങ്ങെന്നു
പറഞ്ഞു നോക്കാമായിരുന്നു!

ചെറുവിരല്‍

നിരന്തരധ്യാന മനനാദികളിലൂടെ
ശരീര,മനോ,വാക് കര്‍മ്മങ്ങളെ ജയിച്ച്
ദഃഖത്തിന്‍റെ മറുകരകണ്ടവന്‍, ആ  യോഗിവരൃന്‍
ഇപ്പോള്‍ തന്‍റെ ചെറുവിരലിനെയോര്‍ത്തു
ദഃഖിക്കുന്നു!
"എന്തെ എന്‍റെ ചെറു വിരല്‍ മാത്രം
ഇനിയും വരുതിയില്‍ വരാത്തത്?"
ഇപ്രകാരം ചിന്തിച്ച്, തന്‍റെ ആഴത്തിലിരിക്കുന്ന
മൗനഘനമായ പ്രശാന്തിയില്‍ പോയി
അല്പസമയം ലയിച്ചിരുന്നു.
മൗനകവചം തുളച്ച് ചെറുവിരല്‍
അപ്പോഴും ചോദൃ ചിഹ്നമായി  തന്നെ നിന്നു.
ഒടുവില്‍ സചേതനമായ തന്‍റെ
ചെറുവിരലിന്‍റെ പൊരുള്‍
അദ്ദേഹം കണ്ടെത്തുകതന്നെ ചെയ്തു.
ചെറുവിരലൊഴികെ തന്നില്‍ എല്ലാം മരിച്ചിരിക്കുന്നു.
ചെറുക്കാന്‍ ഒരു ചെറുവിരലെങ്കിലും
ബാക്കി വച്ചില്ലെങ്കില്‍..........!