Saturday, December 24, 2011

പ്രധാന വാര്‍ത്തകള്‍

'ഖുശ്ബു മലയാളസിനിമയില്‍
വീണ്ടും അഭിനയിക്കുന്നു'
'ഐ പി എല്ലില്‍ ശ്രീശാന്തിനെ ഉള്‍പ്പെടുത്തിയേക്കും'
'ഓഹരിവില കുതിക്കുന്നു'
'ഷോറും ഉത്ഘാടനത്തിന്
ഷാരൂക് ഖാന്‍ കൊച്ചിയിലെത്തുന്നു'
എല്ലാം കോരിത്തരിപ്പിക്കുന്ന വാര്‍ത്തകള്‍!
എങ്കിലും കുറച്ച് അപ്രധാന വാര്‍ത്തകള്‍
കൂടെ ആകാമായിരുന്നു;
ഉദാഹരണത്തിന്-
കടം കയറി മുടിഞ്ഞിട്ട്
കയര്‍ക്കുരുക്കിലൊടുങ്ങുന്ന
കര്‍ഷക ജീവിതം പോലെ
എന്തെങ്കിലും...............!


പരാധീനത
കൊളസ്ട്രോള്‍ ലവല്‍
ഷുഗര്‍ ലവല്‍
പ്രഷര്‍ ലവല്‍
എല്ലാം നോര്‍മല്‍!
പരാധീനത്തിന്‍റെ ലവല്‍ മാത്രം
വളരെക്കൂടി നില്‍ക്കുന്നു.
എന്തെങ്കിലും മരുന്നുണ്ടോ വൈദ്യരേ......!
 
കാകളി
ശ്ലഥ കാകളി വൃത്തത്തില്‍
രണ്ടാം പാദത്തിന്‍റെ അന്ത്യത്തില്‍
രണ്ടക്ഷരം കുറച്ചുകൊണ്ടിരിന്നപ്പോഴാണ്
മുതലാളിയുടെ ചീത്തവിളി കേട്ടത്
ചീത്തവിളിക്കെന്തോന്നു കാകളി!
അന്നു മുതലാണ് എന്‍റെ ശുഷ്ക പദ്യങ്ങളെല്ലാം
രൂക്ഷ ഗദ്യങ്ങളായി മാറിയത്!

2 comments:

  1. Koriththarippikkunna varththakal chamachu vittu manushyne makkaarakkunna maadhyamangalkkulla shariyaaya " SHIKSHA " thanne.....
    good..... very good .......

    ReplyDelete