മൊഴിമുള്ളുകള്‍

വിശ്വാസം
നിന്‍റെ വിശ്വാസം നിന്നെ രക്ഷിക്കും.
എല്ലാം ഒരു മായയാണെന്നു
നീ വിശ്വസിക്കുമെങ്കില്‍ മാത്രം!

വ്യാകരണം
കര്‍ത്താവു കൈവിട്ട
ക്രീയാ കുമാരിക്കു
കര്‍മ്മ ദോഷമോ
ജന്‍മ ദോഷമോ!

കീഴടക്കല്‍
അടിച്ചു കീഴടക്കാനായില്ലെങ്കില്‍
സ്നേഹിച്ചു കീഴടക്കണം.
എങ്ങനെയെങ്കിലും കീഴടക്കണം.
കീഴടക്കാനായില്ലെങ്കില്‍
കീഴാളനെന്നു വിളിച്ചേക്കാം!
 
കളഞ്ഞു കുളിക്കല്‍
കളവു പോകാത്തതും
കളഞ്ഞു പോകാത്തതും
കളഞ്ഞു കുളിക്കല്ലേ കൂട്ടുകാരേ!