പാര്‍ടി വിലക്ക്

വിപ്ലവകാരിയായിരുന്ന എന്‍റെ അപ്പുപ്പന്
എപ്പോഴാണ് വിമതപട്ടം ചാര്‍ത്തിക്കിട്ടിയതെന്ന്
എനിക്കറിയില്ല.
ഒറ്റുകാരനായി ഒതുക്കപ്പെട്ട്,
ഒറ്റപ്പെടലിന്‍റെ മരുനിലങ്ങളില്‍ ഒറ്റയ്ക്കു നടന്ന്
പതുക്കെയദ്ദേഹം വൃദ്ധനായി.
ഇപ്പോള്‍ വാര്‍ദ്ധക്യത്തിന്‍റെ അവശതയിലാണ്.
എന്‍റെ ദുരിതബാലൃത്തില്‍
എന്നെ ഒരുപാടു സഹായിച്ചിട്ടുണ്ട്.
എന്‍റെ ഷുഭിത യൗവ്വനത്തിലെ
വിപ്ലവ വ്യാമോഹങ്ങളില്‍
എന്നെ ഒരുപാടു സഹിച്ചിട്ടുണ്ട്.
ഒന്നു പോയി കാണണമെന്നുണ്ട്;
പക്ഷെ, പാര്‍ടി വിലക്കു  ലംഘിച്ച്..............?