നിസംഗ മൗനം
എന്താ നിങ്ങള് ഏകാകിയായിരിക്കുന്നത്,ദുഖിതനായിരിക്കുന്നത്,
നിരാശനായിരിക്കുന്നത്,
എന്നാരെങ്കിലും ചോദിക്കുമെന്ന്
വെറുതെ ഞാനാശിച്ചു.
എല്ലാ ചോദ്യങ്ങളും ശബ്ദമില്ലാതെ
പുറപ്പെട്ടിടത്തു തന്നെ പൊലിഞ്ഞു പോകുന്നു!
ഞാനൊരാളാണെന്നും,
എനിക്കൊരിടമുണ്ടെന്നും,
ഈയിടത്തില് ഞാനുണ്ടെന്നും
വെറുതെ ഞാന് ശഠിച്ചു.
എല്ലാ ശാഠ്യങ്ങളും നിരാസത്തിന്റെ
കുറ്റന് കരിംപാറകളില് തട്ടി
തിരിച്ചുവന്നുകൊണ്ടേയിരിക്കുന്നു!
സാന്ത്വനം നീരസമായും
പുഞ്ചിരി പരിഹാസമായും
സൗഹൃതം ശതൃതയായും
പങ്കുവയ്ക്കല് പിടിച്ചടക്കലായും
സഹായഹസ്തം മുഷ്ടിപ്രഹരമായും
തിരികെത്തിരികെ വന്നുകൊണ്ടേയിരിക്കുന്നു!
ആര്ത്തലക്കുന്ന കടല്പ്പരപ്പില് നിന്ന്
നിസംഗമൗനങ്ങളുടെ ആഴങ്ങളിലേക്ക്
ആഴ്ന്നിറങ്ങാന് കഴിയുന്നവന്
എത്ര ഭാഗ്യവാന്!
ബുദ്ധൻ ഒരു വലിയ ഉത്തരം ആണ്
ReplyDeleteആരു ചോദിയ്ക്കാന്.....!!
ReplyDelete