Saturday, December 17, 2011

ക്ലേശം

ക്ലേശം
ക്ലേശിക്കുന്നവരേ.... കാത്തിരിക്കുക.
നിങ്ങളിലേക്കു കടക്കാനായി
സന്തോഷം നിങ്ങള്‍ക്കരികില്‍ത്തന്നെയുണ്ട്!
സന്തോഷിക്കുന്നവരേ.... കരുതിയിരിക്കുക.
നിങ്ങളിലേക്കു കടക്കാനായി
ക്ലേശം  നിങ്ങള്‍ക്കരികില്‍ത്തന്നെയുണ്ട്!

ആചാരൃന്‍റെ തോണി
ആചാരൃന്‍ പറഞ്ഞതിങ്ങനെയാണ്
"അകലാതെ അടുക്കുവിന്‍"
അനുചരര്‍ കേട്ടതിങ്ങനെയാണ്
"അകലാതെ അടിക്കുവിന്‍"
അടുക്കുവാന്‍ കടവുകളന്വേഷിച്ച്
ആചാരൃന്‍റെ തോണി ചോരപ്പുഴയിലൂടെ
ഒഴുകിക്കൊണ്‍ടേയിരിക്കുന്നു!

ട്ടേപ്പ്
ഞാനറിയാതെ ഏന്‍റെ സംഭാഷണങ്ങളെല്ലാം
അയാള്‍ ട്ടേപ്പില്‍ പകര്‍ത്തുന്നുണ്‍ടായിരുന്നു.
പാവം! ഒത്തിരി ബുദ്ധിമുട്ടിക്കാണും
എന്‍റെ മൗനങ്ങളും ആത്മനൊമ്പരങ്ങളുമെല്ലാം
ഏങ്ങനെ ട്ടേപ്പില്‍ പകര്‍ത്താനാണ്!

6 comments: